Davao City – Aduna nay pagtaas sa level sa partisipasyon sa kabataan diha sa katilingban apan wala pa gayud hingpit nga ilang nakab-ot ang mga katungod.
Sumala ni Act of Children’s Alliance spokesperson Bernie Mondragon, daghan pa sa mga kabataan ang wala makaeskwela tungod sa kalisud sa panginabuhi sa ilang pamilya.
Matud sa tigpamaba daghan pang tulubagon ang gobyerno alang sa atong mga kabataan karon aron dili mabutang sa resgo ang ilang mga kahimtang.
Gitataw usab ni Mondragon nga wala pa gayud hingpit naangkon sa kabataan ang mga nag-unang panginahanglanon karong panahona tungod kay daghan pa sa mga pamilya ang naglisud.
Giklaro usab ni Mondragon, hangtod nga dunay pamilyang nag-ilaid sa kapobrehon, daghan gihapong kabataan ang hinikawan sa ensaktong nutrisyon, edukasyon ug kapuy-anan busa nagkinahanglan usab kini og dakong pagtagad gikan sa gobyerno pinaagi sa paggahin og pondo alang sa mga programa sa kabataan.
RayoMaN Bernard Pantallon
