Davao City- Tumong sa pagahimuong Brgy. Children Congress sa Brgy 31-D ning syudad mao ang mapahibalo ngadto sa mga kabatan-unan ang ilang mga katungod.
Mga padula ug seminar kun lecture ang gi-andam sa maong Brgy. alang sa maong aktibidad nga magsugod alas 8 sa buntag ugmang adlawa.
Kini mao ang sigun ni Brgy. Secretary Rowena Padasay atol sa interview sa DXDC RMN Davao.
Gilaumang kapin 100 ka mga kabatan-unan ang musalmot sa congress diin pangunahan kini sa kapitan sa Brgy. Nga si Kapitan Joel Landero Sr.
Matud ni Padasay, ang 10 years old paubos nga mga bata dunay laing aktibidad nga pagahimuon sa Brgy. Gym samtang usa ka seminar ang pagahimuon alang sa mga teenagers sa Brgy. Hall.
Ang maong aktibidad sa Brgy. subay usab sa National Children’s Month diin kada tuig na nila kining ginabuhat.
RadyoMaN Renz Barbarona
