TACLOBAN CITY – Nagdonar na an governemnt han China hin 100,000 dollars o kun 5.1 million pesos para ha mga lugar ha Sinirangan Bisayas nga apektado han bagyong Urduja.
Hi China Embassy in the Philippines counsellor Sun Yi an nag turned over han humanitarian aid ha Philippine Red Cross Secretary general Oscar Palabyab.
Ha statement nga ginpadara han Chinese Government ha Pilipinas, naglalaum an China nga maihatag ha mga apektado nga mga residente an ira bulig ngan maidugang ini han disaster relief efforts han gobyerno.
Ha statement naman han Philippine Red Cross, pirmi gud it China nangunguna ha pagbulig ha Pilipinas pag mayada kalamidad nga nahihinabo.
Naglalaum naman an Philippine Red Cross nga usa nga leading organization ha pagbulig nga magpapadayon nga magsangkay han dududha nga nasod. Nagpapasalamat naman an Pilipinas hini nga bulig han China.
