Boracay, Island — Patay rong sangka Chinese national matapos nga maeomos kahapon it agahon sa may Fairways and Bluewater Resort sa Brgy. Balabag, Boracay, Malay, Aklan.
Nakilaea rong biktima kay Mengyu Fan, 32-anyos ag residente it Jiangsu, China.
Sa report it Boracay Tourist Assistance Center (BTAC) nga nakabaton sanda it report halin sa staff it nasambit nga resort nga may una nga insidente it pagka eomos sa may front beach.
Insigida man nanda nga gin respondehan ag sa inisyal nanda nga imbestigasyon nasayuran nga rong biktima hay nagpaligos ag nagpatigayon it snorkeling ag ko ulihi napan-uhan eon lang raya nga naga eotaw sa baybayon.
Ginpatakas ko mga rescuer ag lifeguard rong biktima sa binit it baybayon ag gintaw-an in first aid ag ko ulihi hay gindaea sa island diagnostic and medical clinic pero gin deklara raya nga dead on arrival it anang attending physician nga si Dra. Airam Bontia bangud sa asphyxia by drowning.
Ro bangka it biktina hay una makaron sa sangka punerarya sa Caticlan, Malay, Aklan.
