Davao City – Arestado ang duha ka Chinese Nationals ug laing usa pa ka Pilipino human nakuhaan og smuggled cigarettes atol sa entrapment operation sa South Bay, Brgy. Lapu-lapu, Agdao, Davao City niadtong May 26, 2024.
Sa report sa Davao City Police Office (DCPO), nadakpan sa Regional Special Operations Group (RSOG) ang duha ka businessman nga nag edad 35 ug 34 anyos ug laing Pinoy nga 29 anyos nga taga San Mariano, Maragusan, Davao de Oro.
Ug atol sa malampusong operasyon, miabot sa P2 million ang kantidad sa nakumpiska. Samtang, ang mga dinakpan anaa na sa kostudiya sa Sta. Ana Police Station alang sa tukmang disposisyon.
RadyoMaN Ivy Parido
Facebook Comments
