Davao City – Gibutyag ni Davao City Mayor Sara Duterte-Carpio nga kinahanglang himuong online ang selebrasyon sa Chinese New Year karong Pebrero 12, 2021 aron kalikayan ang Coronavirus Disease 2019 (COVID-19).
Matud sa Alkalde, sa interbyu sa city-owned radio, adunay mahitabong coordination meeting uban ang China Town Development Council sa pagpahibalong wala gitugot ang pagpahigayon og dragon ug lion dances sa mga tindahan partikular na sa China town areas ning syudad aron kalikayan ang panagtapok o mass gatherings.
“Kanang dragon dance and lion dance, dili siya pwede buhaton sa mga tindahan because it will attract people to gather para mutan-aw. Unsay alternative nato sa Chinese New Year, what we can do is play, kanang recorded na music or kasaba,” segun sa Mayor.
Samtang, padayong ipatuman sa syudad sa Davao ang mga existing minimum health standards batok COVID-19 bisan sa selebrasyon sa Valentine’s Day karong Pebrero 14, 2021.
Dugang ni Duterte-Carpio, istrikto gihapong ipatuman sa City Government of Davao ang Omnibus guidelines nga gipagawas sa Inter-Agency Task Force (IATF) aron kalikayan ang COVID-19.
RadyoMaN Kirby Manzon
