CHINESE RECRUITER PRISO SANG 8 KA TUIG SA KASO NGA ILLEGAL EMPLOYMENT | MGA PINAY GINA DEPLOY PA SHANGHAI GAMIT ANG TOURIST VISA

600

Report ni: Tita Jen Palomo Debaja

Priso sang 8 katuig ang manager sang isa ka manpower agency sa Shanghai matapos naaktuhan naga pang hire sang mga pinay pa China gamit ang tourist visa.


Biktima sang illegal employment ang 24 tanan ka domestic helpers nga ginpangakuan sang obra kag daku nga sweldo apisar wala pa sang go signal kag ilegal pa gihapon ang pag obra bilang domestic helper sa China.

Magluwas sang 8 katuig nga pagka priso, ginpamulta man sang Korte sa Shanghai ang Intsik sang 200,000 Yuan ukon (US$29,079) ang recruiter sa pag deploy sang 24 ka Filipina gamit ang tourist visa.

Ginkilala ang recruiter kay Mr. Liu, kon sa diin sa bulig sang iya 2 ka kontak sa Pilipinas, napatigayon nila ang pag panunto.

Gin alegar sang mga biktima nga paagi sa mga kontak ni Liu sa Manila, ginpatigayon ang pag pang recruit sa ila kon sa diin ginkuhaan sila sang tourist visa kag ang iban transit visa agud lang makasulod kag matagaan sang illegal nga domestic jobs sa China.



Sa 6,000 yuan nga paga swelduhon sang dh 4,000 yuan gid ang makadto sa iya sa sulod sang 6 ka bulan bilang kabayaran sa pag patigayon o ” referral fee ” sa mga ini.


Nahibaluan sang korte nga naka kwarta si Liu sang total nga 1.2 million yuan sa mga domestic helpers, 730,000 yuan sini ang iya ginbayad sa 2 ka kuntak sa Pilipinas.Maga pangatubang man sang kaso ang 2 ka accomplished sini.

Nagpabutyag sang paandam ang Immigrant Worker Rights Advocacy Groups nga ang sin o man nga magsulod sa China bilang turista o transit visitor nga mag overstay sang ila visa agud mag ubra bilang domestic helpers magabutang sang ila sitwasyon sa delikado.

Dugang pa sang grupo, tungod indi legal ang ila kontrata, may tsansa nga biktimahon pa gid sila sang mga agency paagi sa buhin sang daku nga kantidad sa ila bulanan nga sweldo. Ang sin-o man nga madakpan sa amo sini nga arrangement, iga deport kag iga blacklist na sa China. Ang pinaka lala, prisuhon pa sila antis ideport.

Facebook Comments