Ginpasa na sa Kamara ang House Bill No. 7081 nga nagatuyo nga i-convert ang Carlos Hilado Memorial State College (CHMSC) bilang isa ka state university.
Nahibalu-an nga yara sa ciudad sang Talisay ang main campus sang CHMSC samtang may duha ka satellite campuses ini sa Bacolod City nga nahamtang sa Alijis kag Fortune Towne, kag ang isa naman ang yara sa banwa sang Binalbagan.
Sa ti-on nga maaprubahan ang hagna, ang CHMSC pagatawgon na nga Carlos Hilado Memorial State University ukon CHMSU.
Lakip sa mga proponents sang nasambit nga house bill amo sanday Bacolod Lone District Congressman Greg Gasataya, 3rd district Congressman Albee Benitez, kag si 5th district Congressman Bebot Merasol. – RCSG / iFM News
Facebook Comments
