Davao City- Wala man nakab-ot sa Davao City ang national target nga 95% ang mabakunahan sa target population sa Measles Rubella (MR) Supplemental Immunization Activity Campaign mokabat sa 132,344 ka mga kabataan ang nabakunahan.
Sumala ni Daryl Guevara, City Health Office Spokesperson, natapos niadtong Hunyo 15,2023 ang nationwide Chikiting Ligtas 2023 apan ang syudad anaa lang sa 85.56% ug kuwang og 9.44% kun 22,332 sa pagkab-ot sa herd immunity.
Gibutyag ni Guevara, wala nakab-ot sa dakbayan ang target tungod sa high urbanization ug daghang na-displace, nibalibad sa pagpabakuna ang ginikanan, naay balatian ang bata ug lakip sa mga nakitang rason mao ang malampusong family planning program.
Matud niini, nagpadayon gihapon ang mga barangay og paglusad og immunization sa mga nag-edad 0-59 months.
RadyoMaN Aimee Guinita
Facebook Comments
