Atol sa Ispeak Media Forum, gibutyag ni Dr. Julinda Acosta, Technical Division Chief sa CHO, iyahang gisulti nga maghimo sila og Periodic Intensified Routine Immunization human nakatala og duha (2) ka kumpirmadong kaso sa pertussis sa dakbayan.
Matud ni Acosta, ang duha ka kaso 3 ug 4 month-old nga mga bata nga maoy bulnerable ilabi na kung walay proteksyon o bakuna.
Sa interview kang Dr. Acosta sa city-owned radio, iyahang gipasabot nga importante nga daling madala sa health care facility o ospital ilabi na ang mga bata nga nakitaan og simptomas sa wooping cough aron gilayong mahatagan og medikasyon.
“Kung naa kay ubo ilabi na 2 weeks or more, unya naa syay naga-suspect nga pertussis kasi sagunson ang iyang ubo, sa mga adult, responsibility mo talaga na as much as possible i-control nimo ang contact with others especially sa mga vulnerable (individuals),” sulti ni Acosta.
Sa datus sa Department of Health (DOH) as of March 23, 2024, anaa na sa 862 ang natalang kaso gikan pagsugod sa tuig o 30 times nga pagtaas itandi sa miaging tuig (2023), diin aduna nay 49 nga natalang namatay sa maong balatian
RadyoMaN Kirby Manzon
