Kini human nga pwede na ma-avail sa general population ang ikaduhang booster shot batok COVID-19.
Sa interbyu sa DXDC RMN Davao kang CHO Head, Dra. Marjorie Culas, gisulti niini nga naga-mutate ang virus rason nga proteksyon sa kaugalingon ang pag-avail sa booster shot.
Gipasabot ni Culas nga normal lamang ang epekto human mabakunahan sama sa kalintura, pagpanakit sa injected area o pagpamoypoy sa kalawasan apan kini mawala ra usab kung imnan og tambal.
“Kung pananglitan kung naa silay mga apprehensions nga magkaroon sila ng severe reactions, mura’g wala pa may reported case diri sa Davao City nga naay ingon ana na mga cases,” sulti sa health official.
Sa pagkakaron, abli ang People’s Park alang sa pagpabakuna lakip na booster doses gikan alas 8AM-3PM matag Lunes-Biyernes. Samtang, abli usab ang Davao City Health Districts matag Biyernes, gikan 8AM-3PM.
RadyoMaN Kirby Manzon
