Davao City – Gikinahanglan pa gihapon karon ang tumang pag-amping gani gisugyot nga dili lamang usa manghinobra sa pagsadya ang tawo tungod kay anaa pa ang COVID-19 ug nga wala pa gihapoy vaccine hangtud ning mga gutloa.
Sumala ni City Health Office (CHO) Chief Dr. Josephine Villafuerte, mas maayong likayan una karon ang pagpahigayon ug mga ‘mass gatherings’ sama sa party-party ug celebrations tungod sa panagtapok-tapok diin anaa ang purohan nga mawala ang social / physical distancing.
Matud ni Villafuerte, dili nato cierto nga maseguro nga kanang mga indibidwal nga imong mahimamat luwas ba or dili sa makatakod nga balatian ilabi pa nga anaa baya ang gitawag nga ‘asymptomatic carriers.’
Gitataw usab ni Villafuerte nga kung mamahimo, dili na lamang una kita mogawas og panimalay kung dili gayud essential kun importante ang katuyuan tungod kay mas safety kita kung mag-estar or mag-pondo sa balay.
RadyoMan Bernard Pantallon
