Matud ni CHO Chief Dr.Marjorie Culas nga wala sila mubaba sa level sa preparasyon alang sa posibling pag-surge sa COVID-19.
Giingon ni Culas nga naka-standby ang tanang gikinahanglang mga rekisitos ugali matigayon ang surge kaso sa COVID-19 sa syudad.
Gani, segun ni Culas nga wala nila bungkaga ug nagpabiling functional ang mga contact tracers, pasilidad alang sa matakdan, command center, mga sakop sa pagresponde sa taho nga naay maigo sa virus, ug daghan pang uban.
Makanunayon sab ang ilang koordinasyon sa mga nag-unang ospital sa syudad.
Wala sab wagtanga ug pabilin aktibo ang testing centers apan atoa na gipasa sa 18 ka District Health Centers ug maingon man vaccine program sa People’s Park matag adlaw’ng Biyernes.
Gipasabot ni Culas, dili pa angayan kabalak-an ang kaso sa syudad kay anaa palang sa 5% kon 50 ka kaso matag semana ug kini ubos kaayo sa gihatag nga positivity rate sa World Health Organization aron masulti nga dunay surge gahitabo sa usa ka dapit.
Gidasig pa sa opisyal ang publiko nga magsuot og facemask panahon anaa sa pampublikong lugar aron malikayan ang COVID-19.
RadyoMaN Joel Viray
