CHO: COVID-19 swabbing, isolation giwagtang na

Davao City – Human sa pagwagtang kun pag-lift sa State of Public Health Emergency sa Pilipinas tungod sa Coronavirus Disease 2019 (COVID-19), giwagtang na usab ang mga palisiya nga gipatuman sa City Government of Davao sama sa mandatory nga swabbing ug isolation sa mga COVID-19 patient.

Sa interbyu sa DXDC RMN Davao kang Dr. Tomas Miguel Ababon, head sa Davao City Health Office (CHO), iyang gisulti nga dili gihapon angay mukumpyansa ang publiko, diin bisan og dili na usab mandatory ang pagsuot og face mask, giawhag gihapon sa Department of Health (DOH) ang katawhan nga magsuot ilabi na kadtong nagbalatian.

“Gina-encourage gihapon sa DOH ang wearing of mask especially sa elderly, kadtong immunocompromised, kadtong naay chronic diseases, like that,” matud ni Ababon.

Dugang sa health official nga importante usab kaayo ang pagpabakuna diin padayong ginatanyag sa Local Government Unit (LGU) Davao ang libreng bakuna batok COVID-19 lakip na ang Bivalent vaccine kun 3rd booster nga ma-avail sa District Health Offices matag Biyernes (8:00AM – 3:00PM) ug sa Peole’s Park gikan Lunes hangtud Biyernes (8:00AM – 3:00PM).

RadyoMaN Kirby Manzon