Ang Dapitan City Health Office (CHO) ubos sa pagdumala ni Dr. Rolito V. Cataluña nagahimagno sa mga Dapitanon nga nagpuyo sa lugar nga ang baha wala pa niubos nga mulikay sa pagtaak-taak sa tubig para malikayan ang leptospirosis.
Giawhag sa CHO ang mga katawhan nga kung kinahanglan mutaak sa tubig baha dapat mugamit ug botas ug ila usab nga gidasig ang publiko nga pagmintinar sa kalimpyo sa palibot aron malikayan ang pagdagsang sa mga ilaga.
Ang leptospirosis usa ka impeksyon nga gipahinabo sa bakterya nga leptospira ug mikaylap pinaagi sa ihi sa naimpeksyon nga mga hayop, sama sa mga ilaga, baboy, iro, kabayo ug baka. Ang mga tawo mahimong makakuha og leptospirosis gikan sa paglubog sa tubig baha nga kontaminado sa ihi sa mga mananap nga naa niining bakterya. Ang leptospira bacteria makasulod dayon sa lawas pinaagi sa bukas nga mga samad sa ibabaw sa panit, mata, ilong, o baba.
Sa pakighinabi sa Doctor to the Barrio sa CHO nga si Dr. Apple D. Balais, iyang gibutyag nga ang tawo nga nataptan sa leptospirosis makasinati ug hilanat, pagkurog-kurog, sakit sa ulo, sakit sa kaunuran, mga rashes sa panit, diarrhea o pagtae-tae, pagkapula sa mata, ug jaundice o pagkadalag sa panit.
Dugang pa ni Dr. Balais nga ang mga indibidwal nga nakasinati aning mga simtomas kinahanglan nga diha-diha dayon nga mukunsulta sa doctor ug mutumar lamang sa gireseta nga mga antibiotics. Ang sayo nga konsultasyon makapugong sa bisan unsang dili maayo ug kasagaran grabe nga komplikasyon sa leptospirosis sama sa pagkapakyas sa kidney, kadaot sa ubang parte sa lawas, o sa kamatayon. (RZE | Dapitan City Information Division) #LGUDapitanCity
Giawhag sa CHO ang mga katawhan nga kung kinahanglan mutaak sa tubig baha dapat mugamit ug botas ug ila usab nga gidasig ang publiko nga pagmintinar sa kalimpyo sa palibot aron malikayan ang pagdagsang sa mga ilaga.
Ang leptospirosis usa ka impeksyon nga gipahinabo sa bakterya nga leptospira ug mikaylap pinaagi sa ihi sa naimpeksyon nga mga hayop, sama sa mga ilaga, baboy, iro, kabayo ug baka. Ang mga tawo mahimong makakuha og leptospirosis gikan sa paglubog sa tubig baha nga kontaminado sa ihi sa mga mananap nga naa niining bakterya. Ang leptospira bacteria makasulod dayon sa lawas pinaagi sa bukas nga mga samad sa ibabaw sa panit, mata, ilong, o baba.
Sa pakighinabi sa Doctor to the Barrio sa CHO nga si Dr. Apple D. Balais, iyang gibutyag nga ang tawo nga nataptan sa leptospirosis makasinati ug hilanat, pagkurog-kurog, sakit sa ulo, sakit sa kaunuran, mga rashes sa panit, diarrhea o pagtae-tae, pagkapula sa mata, ug jaundice o pagkadalag sa panit.
Dugang pa ni Dr. Balais nga ang mga indibidwal nga nakasinati aning mga simtomas kinahanglan nga diha-diha dayon nga mukunsulta sa doctor ug mutumar lamang sa gireseta nga mga antibiotics. Ang sayo nga konsultasyon makapugong sa bisan unsang dili maayo ug kasagaran grabe nga komplikasyon sa leptospirosis sama sa pagkapakyas sa kidney, kadaot sa ubang parte sa lawas, o sa kamatayon. (RZE | Dapitan City Information Division) #LGUDapitanCity
Facebook Comments
