Matud ni CHO Chief Dra. Marjorie Culas, wala gihapon mawala sa Alert Level 1 ang dakbayan hangtud karon panahona.
Giingon ni Culas, padayong nakatala og kaso sa Covid-19 ang syudad hinoon dili na taas ang kaso busa wala gihapon giwagtang sa Inter-Agency Task Force on Covid-19 ang estado nga Alert Level 1 ang dakbayan hangtud karon.
Giluwat ang maong pahayag ni Culas, isip pagpaklaro nga wala malakip sa listahan sa Alert Level 2 ang syudad gawas sa Davao De Oro ug uban pang dapit sa nasud karon.
Gipasabot sa opisyal, ubos sa palisiya sa Alert Level 1 gawasnon na ang publiko nga magbiyahe sulod ug gawas sa dakbayan. Gitugotan na usab ang hingpit nga operasyon sa mga establisemento ubos sa kamanadoan nga sundon gihapon ang kadtong health minimum standard aron kalikayan ang tinakdanay sa Covid-19.
RadyoMaN Joel Viray
