Davao City – Gawas sa COVID-19 gipaigmat sa City Health Office (CHO) ang publiko sa lamok nga nagdalag sakit nga dengue ilabina nga sagunson ang nasinatiang pag-ulan sa dakbayan sa Davao.
Sa interbyu sa DXDC RMN Davao kang Elizabeth Banzon, CHO Tropical Diseases Prevention and Control Unit Coordinator and Nutrition Division head, kontrolado ang kaso sa Dengue sa dakbayan diin 114 ang natala niadtong Setyembre ug adunay usa ka pasyente nga kritikal ang kondisyon nga hugtanong gibantayan sa pagkakaron.
Matud ni Banzon, adunay mga natalang kaso sa Dengue Barangay Lasang, 19-B, Baliok, Gallera, Talomo Proper, Agdao ug Poblacion.
Kinahanglang mag-search and destroy sa gawas ug sulod sa mga pinuy-anan o opisina aron dili makapangitlog ang lamok nga nagdalag dengue.
Gipahimangnuan usab niini ang mga residente nga kanunayon ang pagpanglimpyo sa palibot, dili magpataka og labay og basura sa plastic o botelya.
Nanawagan kini sa katawhan nga ireport gilayon sa CHO o sa ilang mga barangay kung adunay kalintura ug dili kini pasagdan nga mugrabe pa ang balatian.
RadyoMaN Aimee Guinita
