Davao City –Ang City Health Office (CHO) Tropical Diseases Division nagpadayon sa ilang kampanya kontra dengue diha sa kabarangayan.
Sumala ni Elizabeth Banzon, CHO Tropical Division Coordinator, ginapatuman nila sa mga kabalayan ang ‘Oplan Kulob Taklob’ nunot ning ting-ulan nga panahon aron maseguro nga walay mga gipundohan sa tubig sulod ug gawas sa balay aron malikayan nga makapangitlog ang lamok nga nagdala sa makamatay nga sakit nga dengue.
Panawagan ni Banzon sa mga tagbalay nga kanunayon usab ang pagpanglimpyo sa palibot aron walay lamok nga magpuyo.
Awhag ni Banzon sa katawhan nga mokooperar sa ilang mga barangay officials ug sa CHO sa kampanya batok sa makamatay nga balatian.
Giawhag usab sa maong health officer nga kung kinsa ang makasinati ug kalentura gilayong magpacheck.
Duna puy ginahimong pagbasa sa mga kortina ug moskitero diha sa chemical aron dili puy-an sa lamok.
Nanawagan usab ang CHO nga dili pasagdan ang mga kabataan nga magpaulan ug gilayong trapohan ang likod aron dili maughan sa singot aron malikay sa pneumonia aron dili moresulta sa kamatayon.
RadyoMaN Bernard Pantallon
