Davao City – Gikalipay sa City Health Office (CHO) ang nahimong response sa Davaoeños sa padayong vaccination batok Coronavirus Disease 2019 (COVID-19).
Matud ni Dr. Ashley Lopez, CHO Acting Head (sa interbyu sa city-owned radio) sa nagpadayong vaccine rollout sa dakbayan, daghan ang misumite sa ilang kaugalingon sa pagpabakuna aron nga malikayan ang delikadong balatian hatud sa COVID-19.
“General assessment po, very good. The response of the people is very good. Ang committment ug compliance sa tawo is excellent. Nagkadugay-dugay or while we have our ongoing vaccination, nagkadaghan nagkadaghan ang nituo aning atong pagbakuna laban sa COVID,” sulti ni Lopez.
Matud ni Lopez, bisan og adunay mga reklamo nga daghan ang tawo sa vaccination sites, apan usa kini ka senyales nga daghan ang buot mupartisipar sa vaccination ug usa kini ka pamaagi aron makab-ot ang target nga 1.2 million ka Davaoeños o 70% alang sa herd immunity.
RadyoMaN Kirby Manzon
