Roxas City, Capiz – Mas nga ginpasangkad sa subong ang ginapatigayon nga contact tracing sang City Health Office sa mga persona nga naka-close contact sang tatlo ka mga nagpositibo sa COVID-19 sa Sitio Sakop Barangay Culasi Roxas City. Aminado si City Health Officer Dra Lorie Cahilog nga tubtob sa subong palamangkotanon pa kun sa diin nakuha sang amu nga mga persona ang nasambitan nga balatian bangud wala man ang mga ini sang history of travel. Apang isa sa mga ginakonsiderar sini amo nga posible ang isa ka asymptomatic nga carrier amu ang naglaton sa tatlo ka mga pasyente. Gani nga nagakinahanglan sang mas maid-id nga pag-imbestigar pinaagi sa mas ginpangakad nga contact tracing. Bangud sa tatlo ka mga kaso nga napagkit sa nasambitan nga sitio, ginakonsiderar na ini ni Cahilog nga may yara na sang local transmission sang virus sa amu nga lugar.
