Matud ni Melodina Babante, Head sa CHO Tropical Division, iyang gisulti nga kinahanglan ang tabang sa matag barangay, mga stakeholder ug komunidad aron nga mapugngan ang pagkuyanap pa sa maong sakit.
Sa datos, anaa sa 2,900 ang natalang dengue cases as of September 2023 nga mas taas sa 2,400 nga natalang kaso sa susamang period sa miaging tuig, 2022.
Matud ni Babante, ang mga barangay nga nakitaas og taas nga kaso sa dengue mao ang Talomo Poblacion, Buhangin, Bago Gallera, Catalunan Grande, Ilang sa Tibungco, ug Lizada sa Toril, rason nga padayon ang ilang panawagan nga pakusgan pa ang mga aktibidad aron malikayan ang maong balatian.
“Padayon ni nga mga activity dili lang kay karon unya i-stop na nato kay nakahibalo na ang mga barangay captains nga naa nay ordinansa sa mosquito-borne disease. Ang monitoring sa atoang mga barangay magpadayon hangtud nga naa pa ang City Health Office,” matud ni Babante.
Kahinumduman nga niadtong September 25, 2023, gipagawas sa City Government of Davao ang Executive Order (EO) No. 25 series of 2023 nga nagpasabot sa importansya sa pagmugna og dengue task force sa matag barangay sa dakbayan.
RadyoMaN Kirby Manzon
