Davao City – Posibleng muhinay ang resistensya sa usa ka tawo sa pausab-usab nga panahaon karon.
Kini ang gibutyag ni Davao City Health Office (CHO) head Dr. Josephine Villafuerte atol sa interview sa DXDC RMN Davao.
Sumala niya, upper respiratory tract infections ug uban pang viral infections ang makuha sa ulan ug init nga nasinati karon sa katawhan.
Samtang gipasabot sa doktora nga dili lang tungod sa panahon ang hinungdan sa kalintura maong og makasinati og mga kainit sa kalawasan, mamahimong magpacheck up gilayon ug ipacheck ang ihi, dugo ug uban pa ug dili ingon nga magdepende lang sa rason nga tungod sa panahon.
Tambag ni Dr. Villafuerte nga kinahanglan muinom og vitamin c, daghang tubig ug mag healthy living usab aron malikay sa bisan unsang sakit.
Dugang niini, kinahanglan adunay protection ugaling mag-ulan man o sobrang init ug dili usab pasagdan ang mga pagkaon tungod dali ra kini mapan-os ilabi na sa sobra kainit sa panahon.
RadyoMaN Renz Barbarona
