Davao City – Muabot na sa 80.86% o 125,077 ang mga bata nga nabakunahan sa Davao City batok sa measles ug rubella, gikan sa target population nga 154,676.
Kini ang datos sa Davao City Health Office (CHO) nga gihatag sa DXDC RMN Davao, as of May 29, 2023 sa nagpadayong Chikiting Ligtas 2023 vaccination program nga mahuman karong adlawa, Mayo 31, 2023.
Samtang sa polio, anaa sa 14.65% o 26,672 ang nabakunahan gikan sa target nga 182,144.
Gipasabot sa CHO nga nakaapekto sa ubos nga turnout sa vaccination ang migration o displacement tungod sa urbanization partikular na sa upat ka barangay sa syudad nga naapektuhan sa Davao City Coastal Road Project.
Gawas niini, aduna gayoy mga nagdumili nga magpabakuna tungod sa ilang religious o personal belief, butang nga ginapaningkamutan sa health workers nga maedukar ang nahisgutan sa importansya sa bakuna.
RadyoMaN Kirby Manzon
Facebook Comments
