Sa interbyu sa DXDC RMN Davao kang Dr. Tomas Miguel Ababon, head sa CHO, iyang gisulti nga gikan sa pagdeklara sa pagwagtang sa State of Public Health Emergency, adunay usa ka tuig nga ma-avail sa publiko ang libreng bakuna batok COVID-19.
Gipasabot sa health official nga anaa gihapon ang virus sa palibot, rason nga importante nga magbaton og proteksyon ang publiko batok niini.
“Naa pay libre nga bakuna (sa COVID-19) for one year. Naa pa na siya hangtud 2024 sa June sa pag-lift aning Public Health Emergency. After that, wala nay bakuna. So, posible nga magpabayad na or iapil na sya sa programa sa gobyerno,” matud ni Ababon.
Dinhi sa syudad, ma-avail ang bakuna sa District Health Offices matag Biyernes (8:00AM – 3:00PM) ug sa Peole’s Park gikan Lunes hangtud Biyernes sa susamang oras.
RadyoMaN Kirby Manzon
