Davao City – Gikinahanglan nga multisectoral na ang approach aron mabatokan o bin ba kaha ma makunhoran ang kaso sa HIV-AIDS dinhi sa Pilipinas.
Ilabi na nga sa milabay’ng tuig anaa sa pang lima sa tibuok nasud ang syudad sa Davao isip pinakataas sa kaso sa maong sakit diin kini anaa sa kapin 32,000.
Gitataw ni Dr. Jordan Ramitere sa City Health Office-Reproductive Health and Wellness Center (CHO-RHWC) nga dili na lang health sector ang responsable sa pagpahibalo bahin sa sakit nga AIDS karon sanglit kinahanglan sab kini mahisgutan sa balay ug tulunghaan alang sa kasayuran sa mga batan-on gani posible kini nilang malikayan.
Generation, poverty, peer pressure ang posibleng mga factor kung nganong padayong nagataas ang kaso sa AIDS sumala ni Dr. Ramitere.
Base sa ilang natala, adunay 2,552 ka mga kaso dinhi sa syudad sa Davao gikan bulan sa Enero hangtod Hulyo ning tuiga diin 5% niini babaye samtang 95% kalalakinhan.
Karong Disyembre 4 gikatakdang ilusad ang ika-30 nga World AIDS Day dinhi sa syudad pinaagi sa Red March Parade nga pagasugdan sa Roxas Avenue hangtod Rizal Park alang sa opening salvo activities nga magsugod sa alas-3:00 sa kahaponon.
RadyoMaN Jason Amisola
