Davao City – Walay undang ang kampanya City Health Office (CHO) sa Mati, Davao Oriental batok dengue human nakatala ang syudad og mga kaso sa maong balatian diin sagad maigo niini mga bata.
Sa pakighinabi sa DXDC RMN Davao kang Franz Nioda, Registered Nurse ug ang Health Education and Promotion Officer sa CHO, iyang gibutyag nga sagad kaso nga natala sa CHO, mild to moderate. Aduna may severe cases apan kini kaya ra nga ma-manage.
“Daghan ta’g cases nga bata kay sila man tong very active. Sila tong sige’g dula, naa sa palibot. Ginasabayan nila ang oras sa activity pud sa lamok nga kung asa sila mamaak. So, usually, daghan ta’g bata nga maigo,” sulti ni Nioda.
Niadtong July ug August 2023 sa dihang nagsugod ang ilang dengue outbreak, ug usa sa rason sa paspas nga transmission mao ang tapad-tapad lang mga balay ug ang uban duol lang usab sa dagat.
RadyoMaN Kirby Manzon
Facebook Comments
