Sa interbyu sa DXDC RMN Davao kang Davao City Health Office Chief, Dra. Marjorie Culas, gisulti niini nga as of May 16, 2023 anaa na sa 161,000 ang nabakunahan batok rubella ug 189,000 ang nabakunahan kontra polio.
Matud ni Culas nga aduna may mga nagaduha-duha nga mga ginikanan sa pagpabakuna sa ilang mga anak, apan sila ginapasabot sa importansya sa maong aktibidad.
“Nagpadayon gihapon og convince ang atong mga health workers nga it’s the safest and the most effective protection for our children against immunizable diseases. So, kinahanglan gyud nato ni nga i-grab because this is free (and) safe,” matud sa health official.
Mamahimong mabakunahan batok tipdas ug rubella kadtong 9-59 months samtang 0-59 months ang pwede bakunahan kontra sa polio.
Kini pwede ma-avail mga District Health Centers ug sa dakong mall sa Ecoland ug Lanang, Davao City.
RadyoMaN Kirby Manzon
