Davao City – Problema sa food sanitation partikular sa paggamit og hugaw nga ice cubes sa public markets ang usa sa mga nasuta sa Davao City Health Office kun CHO karong tuiga.
Kini mao ang migula atol sa tinuig nga ebalwasyon ug monitoring sa CHO ngadto sa mga pampublikong merkaduhan sa dakbayan tumong nga masiguro nga luwas ug limpyo ang mga produkto nga ginabaligya dinhi.
Sumala ni Curtis Lazarraga, Chief in Sanitation Inspector sa CHO nga ang mga ice nga gina-deliver sa mga palengke matud pa hugaw diin kini gikan sa delivery truck ug ginabutang dayon sa salog ug ginaguyod.
“So we already told the people involved and the market master that not to use this kind of ice and be a part of making of the juice or drinking but only for storage,” segun ni Lazarraga.
Gani pahimangno niini nga mugamit na lamang og tube ice sanglit moagi kini sa hinlo nga proseso kun itandi sa mga bloke sa yelo.
Sa karon, wala pay establisemento ang nasirad-an mahitungod niini apan kahinumdoman nga sa tuig 2018 adunay 68 ka mga establisemento ang gibabagan sa Business Bureau mahitungod sa paglapas sa Health and Sanitation Ordinance.
Sharon Ajoc, HCDC MassCom Intern
