Davao City – Nagpahimangno ang Davao City Health Office (CHO) sa publiko kabahin sa nagkalain-laing sakit tungod sa kainit sa panahon sama sa heat cramps, heat exhaustion, ug heat stroke.
Sumala sa CHO, ang heat cramps maoy kasagaran nga mabati nga sakit sa kaunuran tungod sa pisikal nga aktibidad sa init nga palibot, ang heat exhaustion nagpasabot og grabeng kakapoy ug dehydration kon dili igo ang pag-inom og tubig, samtang ang heat stroke mao ang pinakagrabe ug usa ka delikado nga kondisyon nga mahimong moresulta sa pagkawala sa panimuot.
Gani, gidasig ang publiko nga magpabiling hydrated, likayan ang taas nga exposure sa init, ug mangayo dayon og medikal nga tabang kon makasinati og sintomas.
RadyoMaN Wil Duran
Facebook Comments
