Davao City – Dili sumala pa problema ang pagligo og dagat basta ipatuman lamang ang health protocols batok sa Coronavirus Disease 2019 (COVID-19) sama sa social distancing.
Sa interbyu sa DXDC RMN Davao kang Dr. Josephine Villafuerte, and head sa City Health Office (CHO), gibutyag niini nga walay problema ang pagligo’g dagat basta dili lamang magtapok-tapok nga usa sa mga measures aron kalikayan ang virus.
“Wala man tay problema sa sea water. Ang akoa lang basta naa ta sa mga ing-ana nga recreation, we have to do ‘yung social distancing, iwasan ang tapok-tapok,” matud ni Villafuerte.
Kahinumduman nga gipanawagan ni Davao City Mayor Sara Duterte-Carpio nga likayan ang taga Isla Suerte, Times Beach, Davao City human pipila kanila nangaligo’g dagat ug wala nagpatuman sa measures batok COVID-19.
RadyoMaN Kirby Manzon
