Davao City – Maayo ang pagresponde sa kagamhanang lokal batok COVID-19 bisan kon adunay pagsaka sa kaso sa syudad sa Davao ug uban pang parte sa rehiyon.
Sumala ni Dr. Gene Gulanes, City Health Office (CHO) Assistant Head, nagpasabot kini nga maayo ang ‘case finding capability’ sa syudad tungod kay daghan ang nahibaw-ang nagpositibo sa maong balatian itandi sa wala madiskubrihan kinsa padayong nagsuroy-suroy rason nga misamot ang pagkuyanap sa maong sakit.
Matud ni Gulanes, daghan na ang mga tawo sa gawas, paspas usab ang pagtakod sa virus ilabi na nga gitugotan nang makauli ang mga Locally Stranded Individuals (LSIs) ug ang mga returning Overseas Filipino Workers (OFWs).
Gisugyot usab karon ni Gulanes nga mas pahugtan pa ang pagpatuman sa tanang mga health protocols mientras padayon pa kitang nakigtigi sa makamatay nga virus nga nikostar na og kapin 12M ka mga infected patients worldwide.
RadyoMaN Bernard Pantallon
