Davao City – Nagpahimangno ang City Health Office (CHO) nga seryosuhon ang 14 days quarantine ilabina kung adunay exposure sa COVID-19 positive areas o patients.
Segun ni CHO Head Dra. Josephine Villafuerte, kung motuman ang katawhan sa sa health measures mapugngan ang pagkuyanap sa COVID-19 diha sa ilang panimalay o komunidad.
“Dapat makasabot sila nganong ginahimo ang mga ways nga ingon ani it’s not protecting only you but also we have to protect the family and to protect the community. Kung hindi tayo naga-sunod sa dapat measures nga gina-recommend dili gihapon siya mawala sa atoang lugar,” segun ni Villafuerte.
Gibutyag ni Villafuerte, kadaghanan sa natala nga COVID-19 cases naggikan sa matag pamilya ug ang transmission anaa sa household.
“Kung muingon gani ta’g mag-quarantine, mag-quarantine, kung ingon gani ta’g lockdown, magpa-lockdown gyod kay ngano ang amoang ginaproteksyunan dili lang usa ka tao ug dili lang usa ka balay kundili ang tibuok purok nga dili siya maapektuhan,” dugang sa doktora.
Panawagan niini sa publiko nga dili magkompiyansa ug mag-relax tungod kay anaa sa General Community Quarantine (GCQ) ang syudad sa Davao.
RadyoMaN Aimee Guinita
