CHO: Street foods sa dakbayan luwas kaonon

Davao City – Gipaniguro sa City Health Office (CHO) nga luwas ang mga pagkaon labi na ang street foods nga ginabaligya dinhi sa syudad sama nalamang sa mga pagkaon sa Roxas Night Market.

Sa interbyu sa DXDC RMN Davao kang Dr. Josephine Villafuerte, CHO head, gibutyag niini nga ginamonitor na ang mga pagkaon bisan pa man og wala pa ang Kadayawan kung asa dagsa ang katawhan. Dili usab mamahimong makabaligya ang nahisgutan kung wala kini miagi sa seminar.

“Dili ta pwede magbaligya kung wala sila naka attend og seminar. So, dili ta pwede magbaligya nga magkaroon ka ng isang kaso, kay tanggalin ka talaga dyan sa night market. So istrikto kaayo. So nakamonitor ‘yan siya even before the Kadayawan,” saysay ni Villafuerte.


Saysay ni Villafuete nga bisan ang mga nagabaligya sa mga kanto ilaha usab nga ginamonitor diin ayha kini makakuha og health certificate muagi una kini sa lecture labot sa food handling.

RadyoMaN Kirby Manzon

Facebook Comments