Davao City – Wala matud pay epekto sa panglawas sa tawo ang tubig nga matud pa adunay usa ka marsh gas tungod sa mixture deposit sa methane, hydrogen sulfide ug carbon dioxide nga og sindihan, mubuga og kalayo sa balay sa Bodiongan family sa Deca Homes Tigatto, Buhangin, Davao City nga giadtuan usab sa DXDC News team.
Kini ang giingon ni City Health Office head Dr. Josephine Villafuerte atol sa interview sa DXDC RMN Davao kaniya diin subay kini sa nag-viral nga video sa usa ka tubig sa gripo nga og sindihan musilaob.
Dugang ni Villafuerte nga nasayod siya nga nahibalo na usab ang mga residente nga dili kini mainom tungod baho kini og gas hinungdan nga og gamiton kini panligo ug uban pang gamit sa balay, dili kini makadaot.
Samtang sumala ni Mindanao Energy Field Office nga likayang maipon ang methane gas sa sulod sa balay tungod posibleng mahimo kining kawsa nga mubuto kini.
Gani dugang niini nga muhimo usab sila og inspeksyon sa gigikanan sa maong gas diin matud pa ang supply niini naggikan sa BP water works system.
RadyoMaN Renz Barbarona
