Sa interbyu sa DXDC RMN Davao kang Dr. Chris Anthony Limen, Caraga Municipal Health Officer, base sa February 15, 2022, pito (7) ka pasyente na lang ang naka-admit sa Caraga Municipal Evacuation Center, usa (1) ka pasyente sa Davao Oriental Provincial Hospital (DOPH)-Manay ug zero (0) admission na sa Davao Oriental Provincial Medical Center (DOPMC).
Gibutyag usab ni Dr. Limen, anaa na sa 590 ang total Cholera cases sa lugar, diin kadaghanan niini nakarekober na, ug pito (7) ang natalang casualties o mipanaw tungod sa maong balatian.
“Kunti nalang talaga ‘yung admitted natin. ‘Yung mga 590 cases, most of them are already at home at wala na silang symptoms. Nakarekober na sila,” segun ni Limen.
Matud sa health official, gawas sa gihimong regular chlorination, nag-set up usab ang Municipal Health Office (MHO) og manual chlorinators sa mga strategic areas sa water system.
Sa pagkakaron, ginaproseso na usab ang pagtukod og temporary water tanks partikular na sa Barangay Santiago ug construction sa Potable Water System sa barangay diin anaa sa P20 million ang pundong gitagana sa Provincial Government of Davao Oriental alang sa naasoy nga proyekto.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
