Sa inpormasyon nga gipagawas sa Provincial Government of Davao Oriental, ang pinakaulahing mipanaw mao ang usa ka 78 anyos ug 29 anyos residente sa Barangay Santiago sa Caraga.
Samtang, sa 230 ka pasyente anaa sa mild to moderate dehydration, 63 ang naka-admit sa evacuation center sa Local Government Unit (LGU) nga gihimong hospital. 3 sa 30 ang gi-admit gihapon sa Davao Oriental Provincial Hospital sa Manay ug 8 sa 22 ka pasyente ang kasamtangang anaa sa Davao Oriental Provincial Medical Center sa Mati City.
Bag-ohay lamang sa dihang gikumpirma sa Department of Health (DOH) nga cholera ang hinungdan sa diarrhea outbreak nga nagsugod sa milabay nga semana, base sa gipasa nga test samples sa laboratoryo.
Nagbaton na karon og koordinasyon ang LGU ug ang DOH alang sa long-term solutions partikular na ang pagpa-improbar sa access sa limpyo nga tubig ug sanitation sa lugar.
Ginahisgutan na usab karon sa Sangguniang Bayan sa LGU- Caraga ang pagdeklara og State of Calamity sa munisipalidad tungod sa Cholera outbreak.
RadyoMaN Kirby Manzon
