Chop-chop body nakaplagan sa sanitary landfill

79

Davao City – Nakuykuyan sa usa ka basurero ang tagod-tagod nga parte sa lawas sa tao didto sa may Davao City Sanitary Landfill sa may Purok 2, Barangay New Carmen, Tugbok District, Davao City, niadtong adlawng Sabado.

Sumala sa report sa kapulisan sa Tugbok nga usa ka ulo nga adunay taas nga buhok, duha ka mga kamot ug duha ka paa ang gibalot sa cellophane nga nakit-an sa maong area sa basurero nga si Jerry Musa kinsa residente usab sa nasangpit nga lugar.

Anaa na kini sa state of decomposition busa dili usab mailhan kung lalaki ba kini o babaye.

Gidala sa Tugbok PNP ang chop-chop body sa gituohang gipatay nga biktima didto sa Anghel Funeral Homes Calinan aron ipailawom sa awtopsiya ug DNA examination.

RadyoMaN Aimee Guinita

Facebook Comments