Davao City – Dili sayon nga sulbaron ang mga kaso sa chop chop dead bodies nga mga nakaplagan sa area sa Island Garden City of Samal ug duha na ka kaso dinhi sa Davao City.
Niadtong Sabado usa ka basurero ang nakakita sa putol-putol nga lawas sa tao sa may Davao City Sanitary Landfill sa may New Carmen, Tugbok.
Matud ni Police Regional Office 11 (PRO-XI) Regional Director Police Chief Supt. Marcelo Morales nga dakong ikatabang ang mga makuhang mga resulta sa eksaminasyon ug sa mga DNA testing sa Regional Crime Laboratory Office XI aron kung aduna may mangita nga pamilya sa usa ka missig person dali kining ma-match.
Sumala ni Morales nga dili nila lung-an ang paghimo’g imbestigasyon kalabot niini nga mga kaso hangtod sa makakuha sila’g lead sa motibo sa pagpatay ug pagtagod2 sa mga lawas sa maong mga biktima.
Nagtoo si Morales nga taga-lagyong lugar kining mga biktima hinungdan wala pay mga pamilyang ni-claim.
Subling nanawagan karon sa tanan si Morales ilabi na sa mga nangawala nga sakop sa pamilya nga i-report ug mudangop sa mga pikaduol nga istasyon sa pulis aron matabangan gilayon ug masulbad usab kining mga kaso sa chop-chop sa Rehiyon.
RadyoMaN Aimee Guinita
