Choreographer patay matapos maaksidente sa motorsiklo

Kalibo, Aklan — Patay rong sangka choreographer matapos nga maaksidente kabii sa ginasakyang motorsiklo sa may kahabao it Mabini St., Kalibo, Aklan.

Ro nasambit nga biktima nakilaea kay Benjie Tolentino, 37-anyos, choeographer ag residente it N. Roldan St., Kalibo nga nakaangkon it fatal nga lastro sa ueo ag ibang parte it eawas.

Natabo rong aksidente tag sumunggab ro anang ginasakyang motorsiklo sa sangka tricycle nga nagapaliko paadto it XIX Martyrs St., partikular paadto it Rescate.


Samtang rong driver it tricycle hay nakilaea man kay Rey Reporen, 65-anyos it Brgy. Feliciano, Balete, Aklan.

Namatay si Tolentino samtang ginabueong sa Intensive Care Unit it Aklan Provincial Hospital.

Facebook Comments