Davao City- Angayang hisgutan pag-ayo ang giingong paggahin og pondo nga usa ka libo ka pesos sa buhatan sa Commission on Human Rights (CHR), human namatikdan sa kongreso nga ang maong ahensya nagadapig ngadto sa mga namatay nga kriminal sa kampanya batok gidiling droga.
Sumala ni Akbayan spokesperson Randy Ponteras, kinahanglang tukion kini tungod kay ang CHR usa ka constitutional body nga anaa sa batakang balaud nga gahinan sa ensaktong pondo.
Nagtoo si Ponteras nga usa lamang kini ka paagi aron ang CHR mosubay sa ensaktong tumong ug dili gamiton sa pulitika ang iyang mandato.
Samtang gipadayag usab ni Davao City 1st District Councilor Nilo Abellera Jr., chairman sa Committee on Peace and Order Davao City Council, gihimo kini sa kongreso tungod kay midapig ang CHR ngadto sa mga kriminal nga mamatay sa war on drugs, apan kining tanan dili pa final ug anaa pa ang Senado nga motuki niini kung aprubahan ba o dili ang maong budget.
Kasamang Bernard Pantallon
