Davao City- Kinahanglang magpabiling independent body ang Commission on Human Rights (CHR) ug dili magpadala sa politika ang kasamtangang head nga si Chito Gascon, luyo sa mga pagsaway ug panawagan sa pagluwat sa iyang katungdanan gikan sa maong buhatan.
Sumala ni AKBAYAN spokesperson Randy Ponteras, si Gascon gipili kaniadto ni kanhi Presidente Noynoy Aquino, kinahanglan dili siya magpadala sa politika nga iyang sundon ang mandato sa maong buhatan nga walay pagdikta gikan sa nagbutang kaniya.
Segun pa ni Ponteras, kung unsa man ang nahimong sala ni Gascon, pasakaan siya ug tukmang reklamo ngadto sa korte ilabina sa mga aligasyong usa kini ka bayot o pedopilya.
Sa pikas bahin, igo lang motuman ang kapulisan kung unsay isugo kanila base sa legal nga pamaagi sama sa planong ipalit nalang ug body cameras ang ihatag nga budget sa CHR alang sa operasyon sa kapulisan. Gipaniguro ni Police Chief Inspector Ronald Lao, hepe sa kapolisan sa Toril, nga ang tanan nilang gihimong operasyon nagsubay sa ensaktong proseso ug wala nakalapas sa tawhanong katungod.
RadyoMan Bernard Pantallon
