Davao City – Gipaniguro sa City Government of Davao nga mapaabot na sa mga nanginahanglang Davaoeños nga makadawat sa grocery packs isip pinaskohan sa nahisgutan.
Matud ni Davao City Mayor Sara Duterte-Carpio nga mahuman na ang pagpang apod-apod sa grocery packs sa matag barangay ayha pa man ang Miyerkules, December 23, 2020.
Gisugyot usab sa Alklade nga himuong house-to-house ang distribusyon sa grocery packs aron dili ma-compromise ang health and safety protocols batok Coronavirus Disease 2019 (COVID-19) labi na ang social distancing.
“Reminders sa barangay captains nga kinahanglan subject to observation of COVID-19 health protocols (ang gift-giving). Kung mamahimo house-to-house ang pag distribute sa ilang grocery packs,” segun sa Mayor.
Una nang gibutyag sa Alkalde nga anaa sa 38,000 ka mga grocery packs ang gibahin sa 182 ka mga barangay diin gitunga usab depende sa ilang populasyon.
RadyoMaN Kirby Manzon
