Davao City- Gisuroy ug gipanginspeksyon na sa Department Of Trade and Industry XI ang mga tindahan nga gabaligyag mga christmas lights.
Sumala ni DTI XI Regional Director Maria Belenda Ambi nga gisugdan nila ang pag inspeksyon niadto pang bulan sa Oktubre.
“Naa nami listahan of brands nga naay International Compliance Certificate, katong certified gyod nga products. So far wala gyod mi nakit-an nga major violation, wala pa miy gi-confiscate…I think katong series of information campaign last year also helps in making the stores aware nga kinahanglan pud ang ibaligya nila kanang mga certified Christmas lights,” segun ni Ambi.
Adunay pahimangno si Ambi ngadto sa mga mag-early christmas shopping og mga christmas decors para karong pasko partikular na niining mga christmas lights nga seguraduhong adunay tatak nga ICC kun International Compliance Certificate ang pamaliton.
“For the customers, we would suggest that you look at the package kay naa man nakabutang didto ang seal whether certified na siya or not. Bahala na og mahal siya gamay basta certified siya…especially daghan nata og cases before na nangasunog nga mga balay because ang ilang gipang gamit nga Christmas lights are not certified,” dugang sa DTI regional director.
Sagad sa mga mu-overheat nga mga christmas lights wala niagig mga inpeksyon ug dili usab garantisado ang gigamit nga mga materyales niini ug delikado kini nga maoy hinungdan sa sunog.
RadyoMan Aimee Guinita
