CIAS imonitor ang aksyon nga gihimo ngadto sa 3 ka pulis

38

Davao City – Tutukan sa City Internal Affairs Service (CIAS) Davao, ang mamahimong lakang sa kapolisan sa Davao batok sa tulo ka mga pulis nga alegasyong nag-inom sulod sa COVID-19 facility.

Sa interview sa DXDC RMN Davao kang P/Lt.Col. Alvin Cahilig, Davao City Internal Affairs Service Head, gibutyag niini dili sila makalusad og moto propio niini tungod kay wala kini sa 5 parameters sa IAS function ilawom sa RA 8551.


“Ang buhaton lang namo is to monitor what the station commander or the immediate superior did kung unsay gihimo niya kung giimbestigahan ba, just to monitor kung naa ba siyay action taken but we have no jurisdiction about that,” segun ni Cahilig.

Gibutyag niini ang mamahimong lakang karon sa CIAS ang pagmonitor ngadto sa DCPO kun direct superior sa mga pulis kinsa nalambigit sa maong alegasyon.

Gipasabot ni Cahilig molusad lang og motu-propio o awtomatikong inbestigasyon ang IAS sa mga kaso sa pulis, sama sa pagpabuto sa armas kun discharge of firearm, ikaduha, kung adunay namatay, serious physical injury o paglapas sa tawhanong katungod atol sa police operation, kung ang mga ebidensya na-kompromiso, gihilabtan o nawala sa kustodiya sa pulis, kung adunay pagpangabuso sa suspek samtang anaa sa kostudiya sa pulis ug kung nalapas ang mga na-esblisar nga balaod.

RadyoMaN Aimee Guinita




Facebook Comments