CIDG-XI: Lalaking napalitan og armas, patong patong nga kaso atubangon

Davao City – Mag-atubang og patong patong nga kaso ang ipasa sa korte karong adlawa sa Criminal Investigation and Detection Group (CIDG-XI) September 26,2023 batok sa lalaking napalitan og armas nga nailang si Joselito Capillan 34 anyos, residente sa Purok 1-A, Libertad, Arakan, North Cotabato.

Sa report gikan sa CIDG-XI, gi-andam na ang mga dokumento sa suspect kinsa mag-atubang og kasong kalapasan RA 10591 Illegal Possession of Firearms and Ammunition, kalapasan sa gun ban ug Omnibus Election Code.

Nahinabi usab sa DXDC News Team si Police Captain Hazel Tuazon, Spokesperson sa DCPO gisulti niya nga nagpadayon ang operasyon uban ang mga enforcement agencies batok sa mga nagkupot og mga armas ug nagabaligya niini nga walay ensaktong mga dokumento.

Kahinumduman nga nasikop ang suspect sa Sitio Lumundao, Brgy Marilog, District Davao City kauban ang 1st CMFC ug Marilog PNP personnel kalabot sa gipatuman nga OPLAN Paglalansag Omega (Kampanya batok sa loose firearms) sa CIDG diin pinaagi sa buy bust miresulta sa pagkasikop sa nahisgutang suspek human kini naaktohan nga namaligya og armas ug nakadawat sa marked/buy bust money gikan sa poseur buyer operative.

Narekober sa mga awtoridad gikan sa suspek ang usa ka unit nga .45 caliber pistol, usa ka pc pistol holster, mga bala, mga magazine ug uban pang mga kagamitan sa armas.

Ang suspetsado gikustodiya na sa CIDG-XI.

RadyoMaN Don Pulayao