Un van que tiene cuantos violacion lei de trafico ya aguanta el maga pulis despues ya puede recobri monton carton de cigarillo alegaomente “smuggled”.
Na report del pulis ta aparese pasada alas 12 del medio dia cuando ta conduci checkpoint el maga pulis del 904th Manuever Company del Regional Mobile Forces Battalion na Bolong cuando ya pasa el van que ta maneja si Joi Santos.
Primero ya puede nota el maga pulis tiene traffic violation el vejiculo pero ya descubri el maga pulis tiene este ta carga maga carton de cigarillo.
Aqui ya pruba el maga pulis pidi mira papeles con Santos del; cargamento pero nohay este puede dale mira donde ya suspecha el maga pulis que smuggled el maga cargamento.
Dayun ya lleva el maga pulis con el van junto con el maga carton de cigarillo para na opesina del 904th Mobile Company para el disposicion.
