CAUAYAN CITY – MULING NA-ACCREDIT BILANG MOTHER BABY FRIENDLY HEALTH FACILITY INITIATIVE (MBFHFI) ANG CITY OF ILAGAN MEDICAL CENTER (CIMC) NA NAGING DAGDAG SA KANILANG TRIPLE CERTIFICATION PARA SA BREASTFEEDING AT LACTATION SUPPORT.
KABILANG SA MGA CERTIFIED FACILITIES NG OSPITAL ANG LACTATION ROOM PARA SA MGA EMPLEYADO, NA NAGSISILBING SUPORTA SA MGA INA NA NAGTATRABAHO; BREASTFEEDING ROOM SA NEONATAL INTENSIVE CARE UNIT (NICU) PARA MATIYAK NA MAGING BAHAGI PA RIN NG PAGGALING ANG PAGPAPASUSO KAHIT NASA KRITIKAL NA KONDISYON; AT BREASTFEEDING ROOM SA OUTPATIENT DEPARTMENT (OPD) NA NAGBIBIGAY NG KOMPORTABLENG ESPASYO PARA SA MGA INA AT SANGGOL TUWING KONSULTASYON AT PAGBISITA.
AYON SA PAMUNUAN NG OSPITAL, ANG PAGKILALANG ITO AY PATUNAY NG KANILANG MATAGAL NANG PANININDIGAN SA PAGSUSULONG AT PAGPROTEKTA SA KALUSUGAN NG INA AT SANGGOL SA PAMAMAGITAN NG LIGTAS, MAKATAO, AT EVIDENCE-BASED NA PANGANGALAGA.
DAGDAG PA RITO, NANGAKO ANG CIMC NA LALO PANG PALALAKASIN ANG KANILANG MGA PROGRAMA SA BREASTFEEDING SA PAMAMAGITAN NG MOTHER SUPPORT GROUPS SA KOMUNIDAD, REGULAR NA PAGSASANAY SA STAFF, MALINAW NA MONITORING NG BREASTFEEDING OUTCOMES, AT PAGPAPALAWAK NG WORKPLACE LACTATION PROGRAMS.
NAGPAABOT DIN NG TAOS-PUSONG PASASALAMAT ANG OSPITAL SA WALANG SAWANG SUPORTA NG CITY GOVERNMENT OF ILAGAN NA NAGBIGAY-DAAN SA TAGUMPAY NG PROGRAMANG ITO.
