ILOILO City – Bukas ang ang city hall para sa tanan.
Ini ang pasalig ni Iloilo City Administrator Atty. Hernando Galvez kasunod sang naggwa nga report nga nagsiling si Senior Executive Assistant Jojo Castro nga indi na pwede makasaka sa city hall ang mga barangay kapitan nga indi magsuporta kay mayor Jose Espinosa III.
Suno kay Galvez indi sya makapati nga mahambal ini ni Castro bangud indi ini ang polisa ni mayor Espinosa sa city hall.
Pamatuod diri ang pagpahamtang sang alkalde sang Graciano Lopes Jaena Hall agud mangin reception sa mga may transaction sa opisina sang alkalde.
Dugang pa ni Galvez, wala man nagakinahanglan sang appointment agud makasulod kag makapakigkita sa alkalde.
Photo via Iloilo City Government FB
Facebook Comments
