Ginduso sang City Council sa Metro Iloilo Water District ukon MIWD nga indi na pagsukton sang minimum nga balayran ang mga consumer nga wala makalab-ot sa minimum consumption sang tubig.
Ini pinaagi sa ginpasar nga resolusyon ni Councilor R. Leone Gerochi sa tunga sang nagaluntad nga krisis sa tubig sa siyudad sang Iloilo nga nanguin kabangdanan sang pagdeklarar sang State or Calamity.
Suno kay Gerochi nga luyag nila ipanawagan sa MIWD nga indi na pagsukton sang minimum nga balayran ang mga consumers nga wala malab-ot ang ila minimum consumption bangud unfair ini para sa mga natungdan.
Ginhatagan pagtamod ni Gerochi nga kasubong man sini ang ginahimo sang mga water utilities sa Metro Manila kag nagakadapat man nga himuon diri sa siyudad sang Iloilo.
