Magahiwat sang legislative inquiry ang City Council sa pagpanguna sang Committee on Appropriations kag Committee on Good Government angut sa pagka-delay sang suweldo sang mga Job hires sa City Hall bangud sa pagpakatig-a ni City Treasurer Jinny Hermano nga mag-release sang pondo para sa suweldo sang mga ini.
Ginpahayag ni Councilor Plaridel Nava nga luyag nila hibaluon kon bala may nagakaigo gid man nga pondo ang siyudad para sa suweldo sang Job hires, kag kon bala husto ang panindugan sang City Treasurer nga pag-amlig sang pondo sang siyudad.
Dugang pa ni Nava nga ila man lantawon kon kinahanglan sang konseho nga magpasar sang supplemental budget para sa suweldo sang mga Job hires nga halos tatlo ka bulan na nga wala pa masuwelduhan.
Facebook Comments
